Жарқырап жанған күндей азаттығы, Көрінер ұлтымның да ғажаптығы. Республика күнімен құттықтаймын, Өйткені ол - Ұлт күні, Қазақ күні! Мерекелік ертеңгілікті "Тұлпар"мектепалды тобы үлкен дайындықпен өткізді.Республика күніне арнап тақпақ айтып,би биледі,ән шырқады.Отанға деген сүйіспеншіліктерін ән- жырмен жеткізді.

Балабақша "Күзгі асар"жәрмеңкесі болып өтті. Балалар ата- аналарымен күзгі  жәрмеңкеге өздерінің қолдарымен жасалған бұйымдарын әкеліп ,жасаған жұмыстарымен таныстырып, күз байлықтарын атады, жемістер мен көкеністерді ажыратып ,күзгі жемістер жеп тарқасты.

Ересектер тобында " Қарттарым асыл қазынам" тақырыбында ертеңгілік өтті. Мақсаты: Балалардың бойына халқымыздың асыл қасиеттерін сіңіру, үлкенді сыйлау, өз ата – бабасын ұмытпай сақтау үшін және салт – дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.

«Жас жүрген жер — мереке. Қарт жүрген жер — береке» дейді дана халқымыз. Ата-әжелеріміз бар үй әрқашан ынтымақ пен берекеге толы емес пе?  Төріміздегі қарттарымыз – шаңырақтың шаттығын сақтап, айрандай ұйытып отыратын кеңесшілеріміз. Ал ата мен әженің балаға беретін тәрбиесі мүлде бөлек әңгіме.Осы ретте балабақша әкімшілігі ауданымыздағы қартарға барып,мерекелерімен құттықтап қайтты.