"Баланың эмоцияларын қалай түсінуге болады?" кеңесі

"Баланың эмоцияларын қалай түсінуге болады?" кеңесі

Қазан айындағы консультациялық пункт жұмысы туралы

КМҚК «№107 бөбекжай-балабақшасы»  

Өткізілген айы: 16 Қазан 2025 жыл

Тақырыбы: "Баланың эмоцияларын қалай түсінуге болады?" кеңесі

Форматы: Танымдық ойындар, қарым-қатынас жаттығулары, кеңес беру  

Орны: Логопед кабинеті

Жауаптылар: Әдіскер, логопед.

Мақсаты:  Баланың өзін-өзі тануына, эмоцияларын түсінуге және жеткізуге көмектесу. Ата-аналармен бірлесе отырып, баланың әлеуметтік-эмоционалдық дамуын бақылау, қолдау және дамыту жолдарын ұсыну.

Барысы:  

Қазан айында балабақшада"Баланың эмоцияларын қалай түсінуге болады?" тақырыбы аясында баламен танымдық ойындар, қарым-қатынас жаттығулары өткізілді.  

- Бала өзі туралы айтып, «Мен кіммін?» деген сұраққа жауап іздеп, өз ойларын ортаға салды.  

- «Қуаныш», «реніш», «таңғалу», «қорқу» сияқты түрлі эмоцияларды танып, бет-әлпет арқылы көрсету жаттығулары жүргізілді.  

- Бала өз эмоциясын суретпен жеткізуге тырысты, бұл арқылы олардың ішкі жан дүниесін тану мүмкіндігі артты.  

Сонымен қатар, ата-анамен жеке және топтық кеңестер ұйымдастырылды.  

- «Баланың эмоцияларын қалай түсінуге және дамытуға болады?» тақырыбында кеңес барысында ата-анаға эмоциялық интеллектті дамыту жолдары ұсынылды.  

- Логопед маманы ата-аналарға балалармен сөйлескенде жұмсақ, түсіністікпен қарау, баланың пікіріне құлақ асу, қолдау көрсету маңыздылығы жайлы айтты.

- Ата-аналар өз балаларының эмоциялық күйін қалай байқайтыны туралы бөлісіп, тәжірибе алмасты.   

Қорытынды:  

Өткізілген жұмыстар нәтижесінде балалардың өзін-өзі тануы, эмоцияларын дұрыс жеткізу қабілеттері қалыптаса бастады. Ата-ана тарапынан қызығушылық байқалып, келесі тақырыптарға ұсыныстар айтылды. Алдағы уақытта ата-аналармен жұмыс жүйелі түрде жалғасатын болады.